[vc_empty_space height="-5px"]
Alienum phaedrum torquatos nec eu, vis detraxit periculis ex, nihil expetendis in mei. Mei an pericula euripidis, hinc partem. [vc_empty_space height="10px"]
[vc_empty_space height="20px"]
 

Pyetje të shpeshta – FAQs

CoSolve-19 / Pyetje të shpeshta – FAQs

Pyetjet më të shpeshta / FAQs

Çfarë është CoSolve-19?

Një iniciativë e përbashkët e programeve dypalëshe te Bashkëpunimit gjermano-shqiptar për Zhvillim, përkatësisht:  “Zhvillimi i qëndrueshëm ekonomik dhe rajonal, promovimi i punësimit  edukimi dhe trajnimi profesional” (shkurtimisht: ProSEED) dhe Zhvillimi i qëndrueshëm rural (shkurtimisht: SRD).

Qëllimi i përgjithshëm është mbështetja e NMVM-ve të prekura rëndë nga pasojat e krizës së COVID-19 në Shqipëri, pikësëpari për të ruajtur punësimin dhe pse  jo  edhe për ta rritur atë. Në realizimin e kësaj iniciative, ProSEED dhe SRD synojnë të japin një kontribut të rëndësishëm për NMVM-të anë e mbanë Shqipërisë në sektorët e bujqësisë, turizmit, tregtisë me pakicë dhe manifakturës. Gjithashtu, NMVM-të do të forcohen në përdorimin e zgjidhjeve të reja digjitale dhe inovacionit, jo vetëm për të amortizuar krizën aktuale, por edhe për t’i përshtatur aktivitetet  e tyre me qëllim adoptimin në situatën e re post Covid.  

Këto qëllime do të arrihen duke u ofruar NMVM-ve këshillim dhe trajnime të përshtatura sipas nevojave të tyre individuale  duke përfshirë informacion mbi mundësitë e financimit të ideve të tyre. 

Kush mund të përfitojë nga ky program?

Linjat e sektorëve që mund të marrin pjesë në thirrje janë si më poshtë: 

  1. Turizmi: Thirrja është e hapur për bizneset e akomodimit të regjistruara mikro, të vogla, të mesme (hotele, agro-turizëm, bujtina, kampingje) operatorë turistikë të regjistruar si edhe restorante në zonat rurale që ofrojnë aktivitete turistike.
  2. Bujqësia: Thirrja është e hapur si për fermerë individualë ashtu edhe për persona fizikë dhe juridikë që zotërojnë, apo përfaqësojnë NMVM që ushtrojnë aktivitetin e tyre në prodhimin, grumbullimin, përpunimin, apo  marketimin e produkteve bujqësore.
  3. Sektorë të tjerë: Thirrja është e hapur për NMVM-të: Prodhues të tekstileve dhe veshjeve, lëkurës dhe këpucëve, bizneseve të artizanatit etj. dhe biznese të tjera që janë dëmtuar si pasojë e Covid-19.

Çfarë përfiton biznesi im?

Aplikantët do të përfitojnë nga trajnimet e përshtatura sipas nevojave që do të fokusohen në amortizimin e krizës së COVID-19 si edhe në rikuperimin e bizneseve dhe përshtatjen e tyre ndaj situatës së re post Covid.  

Shërbimet trajnuese dhe këshilluese do të kryhen virtualisht dhe/ose fizikisht në varësi të situatës së COVID-19 dhe mundësive nga ana e biznesit, apo dhe  nevojave të tyre specifike. Shërbimet këshillimore mund të përfshijnë trajnime, seminare dhe uebinare.  

Gjithashtu, të gjitha NMVM-të do të marrin informacion të hollësishëm për mundësitë e sigurimit të financimeve nga skemat e qeverisë, apo nga skemat e donatorëve të tjerë sipas nevojave të bizneseve të vëna në dukje në aplikimet e tyre.  

Në një fazë të dytë, do të ofrohen grante për ato biznese që nuk kanë përfituar nga skemat e tjera financiare. 

Ku duhet të aplikoj dhe cilat janë procedurat e aplikimit?

Mund të lexoni të gjithë detajet mbi dokumentat dhe informacionin e nevojshëm në këtë faqe.

Aplikimi mund të kryhet në këtë faqe.

Cilat janë kriteret që biznesi im duhet të përmbushë për të aplikuar?

Kualifikimet e NMVM-ve për t’u përzgjedhur për të përfituar shërbime këshillimi:

  1. Madhësia: Xhiroja maksimale e NMVM-së sipas ligjit shqiptar deri në 120.000 EUR në vit[1].
  2. Pronësia: 100% biznese me pronësi private, në zotërim të shtetasve shqiptare.
  3. Bizneset duhet të jenë të regjistruara si ndërmarrje mikro, të vogla, të mesme, apo të kenë Nipt fermeri.
  4. Maturimi: Biznesi duhet të këtë ushtrim zyrtar aktiviteti minimumi 1 vit përpara 1 Marsit 2020 (para fillimit të krizës).

--

[1] Ligji i ndan bizneset shqiptare sipas xhiros vjetore:

  • Bizneset mikro, 0-2 milion lekë
  • Bizneset e vogla, 2-5 milion lekë
  • Bizneset e mesme, 5-14 milion lekë.

 

Çfarë lloj dokumentesh duhet të bashkëngjis në aplikim?

  • Formulari i aplikimit ku shprehen qartë nevojat e biznesit në përputhje me fushat e lartpërmendura të ushtrimit të aktivitetit të biznesit
  • Kopje e dokumentit të regjistrimit si subjekt tatimor (NIPT) e NMVM-së dhe numri individual i regjistrimit për fermerët individualë;
  • Kopje e ekstraktit tregtar të regjistrit tregtar të lëshuar nga Qendra Kombëtare e Biznesit (QKB); 
  • Kopje e certifikatës më të fundit ku të thuhet se kërkuesi nuk ka procese penale në ngarkim të tij (në format PDF), lëshuar nga Ministria e Drejtësisë;
  • Kopje e certifikatës më të fundit ku të deklarohet se kërkuesi nuk ka proces penal në ngarkim të tij (në format PDF) lëshuar nga Prokuroria.

Do të konsiderohen vetëm aplikantët, të cilët kanë derguar paketën e plotë të aplikimit me dokumentat e sipërpërmendura.

Paketa duhet të dërgohet brenda afatit të caktuar. Dokumentat e dërguara me vonesë nuk do të pranohen.

A duhet të regjistrohem diku para se të aplikoj?

Jo.

A mund të aplikoj vetëm për grante dhe jo komponentët e tjerë të programit?

Jo.

A përbën ndonjë rrezik aplikimi për biznesin tim?

Jo.

Sa kohë zgjat trajnimi?

Trajnimet zgjasin deri në 4 muaj.

A do të ketë thirrje të dytë për bizneset?

Po.

A është programi falas?

Po.

A kualifikohen individitët e vetë-punësuar?

Po.

A ekziston numri minimal i stafit si kriter pranimi?

Jo.

Ku ruhen të dhënat e mia?

Pasi aplikimi juaj dërgohet, ai ruhet në një server të sigurt në internet. Databaza e aplikimeve është e enkriptuar dhe mund të aksesohet vetëm nga ekipet e ProSEED dhe SRD.

Server-at tanë janë në Gjermani dhe zbatojnë politika të qëndrueshme të sigurisë dhe mbrojtjes së të dhënave.

Për më shumë informacion, shfletoni faqen e mbrojtjes së të dhënave.

Nga kush financohet dhe zbatohet programi?

Instrumenti këshillimor për zbutjen e krizës së COVID-19, CoSolve-19, financohet nga Qeveria Gjermane dhe zbatohet nga Deutsche Gesellschaft für Internationale Zusammenarbeit (GIZ) GmbH në bashkëpunim me Qeverinë Shqiptare.

Ku mund të ju kontaktoj?

Nëse keni paqartësi mund të kontaktoni në e-mail: cosolve@giz.de.

Informacion shtesë / pyetje

Për shkak të kërkesës së lartë nga ana e bizneseve për përgatitjen e dokumentave, afati për dorëzimin e aplikimeve shtyhet deri në datë 7 Prill 2021 në orën lokale 23:59.
  • Pyetjet mund të dërgohen me email jo më vonë se 7 ditë përpara përfundimit të afatit të aplikimeve.
  • Përgjigjet do të jepen brenda 3 ditë pune pas dërgimit të pyetjeve.

Informacione

Shkarko udhëzuesin në PDF.

Informacion rreth GIZ.

Informacion mbi mbrojtjen e të dhënave.

Na kontaktoni

Për çdo pyetje, mund të na shkruani në e-mail: cosolve@giz.de.